石頭瘡硬塊全面解析：成因、處理方法及預防策略

相信好多香港人都曾經面對過石頭瘡硬塊嘅困擾，呢種頑固嘅暗瘡問題確實令人頭痛。石頭瘡硬塊唔單止影響外觀，更加會帶來持續嘅腫痛不適，嚴重影響日常生活同自信心。無論係青春期嘅青少年定係成年人都可能受到石頭瘡困擾，特別係香港嘅潮濕悶熱天氣同長期戴口罩嘅生活習慣，更加容易誘發石頭瘡問題。要有效處理石頭瘡硬塊，首先必須深入了解其形成原因同特性，先能夠對症下藥，徹底解決呢個皮膚煩惱。今次就同大家詳細探討石頭瘡硬塊嘅各種處理方法，幫助各位擺脫石頭瘡嘅困擾。

圖/摘自fanpiece

石頭瘡是甚麼？

石頭瘡其實係屬於聚合型痤瘡嘅一種，通常冇明顯嘅膿頭，形狀比較大而且唔規則，會形成鼓漲但唔會破裂嘅閉合性硬塊。石頭瘡屬於相當嚴重嘅暗瘡類型，表面睇落去凹凸不平，實際上係真皮層深處正在發炎。如果唔及時處理石頭瘡硬塊，附近嘅腫塊結節都可能受到牽連，令其他真皮層區域受到感染，導致石頭瘡範圍愈來愈大。特別要注意嘅係，如果石頭瘡處理不當，好大機會造成永久性疤痕同凹凸洞，對皮膚造成不可逆轉嘅傷害！

石頭瘡硬塊可以生長喺面部任何位置，除咗常見嘅前額、鼻子同下巴等部位外，石頭瘡亦經常出現喺油脂分泌最旺盛嘅T字區域。體質偏熱氣嘅人士多數會喺面頰兩側爆發石頭瘡，而女性喺月經來臨前則多數會喺下巴位置出現石頭瘡問題。

圖/摘自qudoula

石頭瘡出現4大成因

1. 內分泌失調

石頭瘡硬塊同人體內嘅荷爾蒙水平變化有密切關係，每逢月經週期荷爾蒙就會產生波動，皮膚油脂分泌會變得更加旺盛，角質層增厚令皮膚污垢無法順利排出。因此女性喺月經前有較大機會爆發石頭瘡，嚴重者甚至會全面爆發，等到月經期結束，石頭瘡情況通常會有所改善，但到下個周期又會再次爆發，形成惡性循環，令皮膚狀況愈來愈差。

如果女性經常出入冷氣地方、進食同飲用生冷食物同飲品，亦會令氣血運行不順，使體內廢物同毒素無法正常排除，繼而喺臉部爆發石頭瘡硬塊。

2. 毛孔閉塞

毛孔閉塞係形成石頭瘡嘅主要成因。尤其最近需要日日戴口罩，加上使用化妝品，令毛孔無法正常「呼吸」，只能同細菌、濕氣、臉油一齊「共存」。長期落去，加上清潔不足，就好容易造成毛孔閉塞，令毛孔污垢深藏喺皮膚底層，慢慢就會滲入真皮層引致發炎，令石頭瘡爆發。

3. 細菌感染

石頭瘡本來都係暗瘡嘅一種，當毛孔中嘅皮脂腺發炎，毛孔發生閉塞，令油脂無法排出，好容易就會形成暗瘡。

當未及時解決呢顆暗瘡，佢有機會演變成更大嘅問題，一齊感染附近嘅皮脂腺或腫塊結節。正所謂「火燒連環船」，好容易令附近連續幾個皮脂腺一齊發炎，最後就會形成又大又硬嘅石頭瘡硬塊。

4. 生活習慣

除咗臉部清潔不當，人體內嘅清潔都好重要。呢個係指體內廢物累積愈多，就愈難排清毒素，導致石頭瘡出現。好多人習慣熬夜、經常食煎炸食物、飲食不定時、鍾意生冷食品，好容易令血氣運行不暢順，導致皮膚中嘅瘀血被堵塞，造成呈紫紅色嘅石頭瘡爆發，又腫又痛。

圖/摘自allure

石頭瘡硬塊處理方法

抗炎抗菌產品

雖然石頭瘡係閉合性暗瘡，好難將污垢從毛孔排走，如果想急救或消腫止痛，都可以嘗試使用抗炎抗菌嘅護膚品，以抑制細菌及舒緩由石頭瘡帶來嘅灼熱不適。最好選用非刺激性、溫和成份嘅護膚品，例如含有蜂膠、積雪草、金盞花、維他命原B5等嘅產品，既可以加強肌膚免疫力，同時減輕石頭瘡症狀。

去角質產品

正在發炎嘅石頭瘡冇膿頭，其中一個原因係角質過厚。因此可以使用溫和嘅化學性去角質產品，例如含有果酸、水果酵素等成份，幫助去除表面死皮角質，將深層污垢排出。

圖/摘自bioclarity

清爽爽膚水

石頭瘡硬塊已經夠油膩，唔好再塗抹保濕滋潤嘅護膚品或乳液，只會令情況惡化。想減輕石頭瘡紅腫問題，可以選擇有消炎消腫、殺菌紓緩等功效嘅爽膚水，為皮膚進行清爽濕敷。

石頭瘡硬塊處理，放血也可以？

有啲人見到石頭瘡硬塊會用放血方式，嚟排走石頭瘡深層嘅膿瘡同細菌。其實呢個係可行嘅方法，但如果自己用針刺破，有機會感染其他細菌，令情況更加嚴重，甚至留下疤痕。因此你需要搵專業嘅美容師或醫生幫忙，喺經過消毒同無菌嘅環境下進行就最安全。