香港智能身份證相片拍攝全攻略｜衣著妝容規格要求詳解

喺香港生活，身份證係必不可少嘅重要證件，而一張靚嘅身份證相片更係影響個人形象嘅關鍵。自從2018年12月開始全民換領智能身份證以來，好多市民都已經陸續完成換證程序，但唔少人發覺即使精心打扮，最終嘅智能身份證相效果都未如理想。有時同朋友交換身份證睇下大家嘅模樣，難免會被人笑話身份證相影得「樣衰」。究竟點樣先可以影到一張滿意嘅證件相？影身份證相有咩衣著要求？香港身份證相片有咩具體規格？影身份證相可唔可以化妝戴耳環？配戴隱形眼鏡又得唔得？留瀏海會唔會影響拍攝效果？呢啲都係大家關心嘅身份證相要求問題。

要影好證件相，首先要從衣著入手！

智能身份證相雖然冇特別嚴格嘅衣著規定，但由於智能身份證件相嘅背景多數係白色，所以證件相衣著最忌諱就係淺色衫。如果著淺色衫影相，好容易令身體同背景融為一體，拍出嚟嘅效果可能會令人啼笑皆非，甚至覺得「樣衰」。因此，影證件相最好選擇深色衣著，例如黑色、深灰色等顏色，絕對可以更加突出臉部輪廓！另外，V領衫都係影證件相唔錯嘅選擇，因為證件相只會拍攝臉部至鎖骨附近位置，頸部露出嘅比例會直接影響圖片觀感。V領比起圓領或者高領更能有效修飾臉型，不過都要注意唔好著得太低領，否則證件相可能會令人誤會你冇著衫…

化好妝容，證件相顯得更精神!

除咗衣著之外，證件相亦都需要注意妝容打扮。影身份證相係可以化妝嘅，最好化全妝但以淡雅遮瑕為主，建議採用啞色、光澤較低嘅粉底，有效避免相片出現面油反光問題。唇色方面應該以自然色系為主，最好唔好用太鮮艷嘅顏色，亦都唔好用唇蜜，因為會減低反光效果。建議使用柔和嘅淡粉紅色或者蜜桃色唇彩，睇起上嚟會更加年輕有精神。而證件相係對臉部進行大特寫，所以女士需要做好遮瑕同修補外觀嘅工作。化好底妝之後，可以集中喺腮部、鼻翼同太陽穴位置打陰影，令臉蛋睇起上嚟更細小，咁樣影身份證相就唔會「樣衰」。最後，眼妝方面都唔好太誇張，建議採用啡色或者大地色為主嘅色系，眼線畫最簡單嘅內眼線就足夠。太誇張嘅眼線、眼影或者眼睫毛都唔適合出現喺證件相中。另外，影身份證相可以配戴隱形眼鏡，但係絕對唔可以配戴有色隱形眼鏡嚟影身份證相。

髮型方面應該以整齊簡潔為主，影相前要將髮絲整理得貼服整齊。影身份證相需要將瀏海撥起，露出雙眼同眉毛。如果唔整理瀏海就影身份證相，有可能會被拒絕接受，所以影身份證相前最好先修剪瀏海。你亦都可以預先準備髮夾，隨時將瀏海夾起嚟影身份證相。除咗瀏海問題之外，影身份證相亦都唔應該配戴耳環，最好先除低耳環先影相。除咗身份證相之外，耳環亦都可能唔適用於其他證件相片。

圖／摘自visafoto

只要注意以上提點，顧好衣著同妝容，身份證相唔樣衰絕對好easy～最好影相時記得要將下巴微微縮起，可以令臉型睇起上嚟更尖瘦。了解清楚身份證相要求同埋掌握影身份證相嘅技巧，就能夠確保你嘅智能身份證相片符合規格又靚仔靚女。

香港智能身份證件相片要求規格

根據香港入境事務處官網顯示，智能身份證上相片要求規格必須顯示你嘅完整模樣，要正面面對鏡頭，並且清楚顯示五官特徵，先至能夠符合智能身份證相片要求規格。嚴格遵守香港身份證相片規格係確保證件順利辦理嘅重要一環。

以下情況是「不符合」智能身份證相片要求規格：

● 申請人嘅頭髮遮擋眼睛或眉毛

● 申請人配戴頭飾，例如帽、頭箍等

● 申請人嘅眼鏡片反光/有色

● 申請人嘅眼鏡遮擋眼睛或眉毛

● 申請人影身份證配戴有色隱形眼鏡

● 申請人畫上濃妝

● 申請人嘅面容並非完整正面

● 申請人並非位於相片正中

● 申請人嘅表情太誇張

● 申請人嘅視線並非位於水平位置

符合智能身份證相片要求規格小貼士：

● 正面面向鏡頭，表情自然不造作

● 如影身份證相前選擇化妝，請化淡妝及不要使用深色的化妝品，不能過於浮誇地化妝影身份證相

● 要有充足睡眠及休息，令精神飽滿

● 如需配戴眼鏡，不反光鏡片的眼鏡會有較佳效果

● 穿著有領及較為深色的衣服

圖/摘photobihk