香港新界區9條必行山遠足路線全攻略｜青衣回歸徑/大帽山/鹿頸/港版大峽谷

喺香港呢個繁華都市生活，想暫時逃離石屎森林嘅束縛？其實香港行山遠足路線選擇相當豐富，尤其係新界區擁有唔少隱世靚景路線，絕對係假日放鬆身心嘅好去處。無論你係行山新手定係經驗豐富嘅行山愛好者，都可以喺香港行山遠足路線中搵到適合自己嘅挑戰。今次特別精選咗9條位於新界唔同區域嘅香港行山遠足路線，每條都有獨特景觀同難度級別，適合一家大細、情侶拍拖或者同朋友一齊享受大自然嘅寧靜時光。

<新界中部>

新界中部行山推介1. 青衣回歸紀念徑（青衣自然徑）

呢條香港行山遠足路線屬於入門級別，交通相當便利。坐落於青衣山頂嘅回歸徑，能夠俯瞰成個青衣島同壯觀嘅青馬大橋景色，天氣晴朗時更可以遠眺南丫島嘅優美輪廓。全程以短梯石級為主，步道簡短易行，內設多條分岔路徑，通往各個觀景亭同野餐區域，其中最受歡迎嘅係1號觀景亭，係觀賞日落嘅絕佳位置，吸引唔少攝影愛好者前來捕捉美麗瞬間。

交通

<起點>

巴士 248 M

青衣港鐵站 - 長宏邨

(長宏邨總站下車)

小巴 405。409。409K

各區 - 長亨邨

(長亨邨下車)

-

小巴 407 號

瑪嘉烈醫院 - 長宏邨

(長宏邨下車)

-

<終點>

機場巴士 E21。E31。E32。E42

機場 - 各區

(青衣西路上車)

-

小巴 308M

浪翠園 - 青衣港鐵站

(青衣西路上車)

全程需時

1.5 小時– 2小時

全長

3.5公里

難度

初級

公共設施

設有坐椅、野餐區、健體設施、觀景亭、指示牌；入口旁有流動廁所

注意事項

沿途並冇補給站，記得帶備足夠嘅糧水；沿途分岔路口比較多，不過設有多個指示牌同地圖。如果唔識點行，喺香港行山有個好處，就係路在口邊，途中遇到山友不妨問下佢哋。可以提早1-2小時喺1號觀景亭停留，直到黃昏日落時分，喺呢條香港行山遠足路線可以影到最靚嘅青馬大橋景色。

新界中部行山推介2. 三支香

三支香係香港行山遠足路線中頗具名氣，因為可以欣賞到相當唔錯嘅風景。初段登山嘅梯級比較多，登山途中可以遠眺大帽山同欣賞鄰近貨櫃碼頭嘅繁忙景象。北峰同南峰之間係林蔭山徑，行起嚟十分舒適，亦唔會覺得沉悶。末段景觀非常開揚，昂船洲一帶景色盡收眼底。由春花落下降，路窄坡峭，難度即刻提升兩級，頗考驗體力，樓梯旁有繩索可以扶住行。

交通

<起點/終點>

巴士

各區 - 各區

(青康路下車)

小巴 88A 號

長安邨 - 青衣站 - 美景花園

(美景花園下車)

-

小巴 88C 號

葵芳港鐵站 - 美景花園

(美景花園下車)

全程需時

3 – 3.5小時

全長

約4公里

難度

中級

公共設施

起點處有廁所、途中有涼亭、三支標高柱

注意事項

沿途並冇補給站，記得帶備足夠嘅糧食。適合穿著鞋底坑紋較多同深嘅行山鞋。行完後可以原路折返。但如果想繼續行呢條香港行山遠足路線要小心，因為另一個行路段比較困難落山，冇清晰指示，只有絲帶繫樹，或者會迷路。

新界中部行山推介3. 大帽山

海拔957米係全港最高嘅山，係行山人士必定挑戰嘅香港行山遠足路線，幾乎可以睇到全港嘅風景，包括元朗、大埔、九龍、港島等。有好多行山發燒友會喺度睇日出或者日落。你都可以等待秋天先前往，會發現沿路都有滿滿嘅芒草。雖然山好高，但路比較平坦，新手可以同老手一齊挑戰呢條具代表性嘅香港行山遠足路線。

交通

<起點>

巴士 51 號

荃灣如心廣場 - 上村 (循環線)

(郊野公園站下車)

<終點>

小巴 82 號

城門水塘 - 荃灣兆和街

(城門水塘上車)

全程需時

約4 – 5小時

全長

約11公里

難度

高級

公共設施

設有帽山郊野公園遊客中心、小食亭、扶輪公園露營場、三個廁所（遊客中心、扶輪公園及山頂上）、停車場、大帽山定向路線、大帽山家樂徑及約六十個燒烤爐（疫情關閉）等。

注意事項

建議帶備電筒

沿石屎路上山，同時亦係車路，間中有車輛進出。除起點嘅公園內有小食亭可以買糧水外，沿路都冇補給站，需要帶備足夠糧水。

<新界東北部>

新界東北部行山推介1. 鹿頸

呢段係風景優美嘅路徑，一路盡係山海景色，仲有紅樹林、小碼頭同燈塔等最佳攝影位置，入秋後更可以睇到一片蘆葦海。行過一開始嘅樓梯路段後，就進入全程平路嘅地段，輕鬆易行，係同新手朋友一齊遠離香港煩囂嘅理想香港行山遠足路線。

交通

<起點>

小巴 56K

粉嶺港鐵站 - 鹿頸

(鹿頸下車)

<終點>

小巴 56K

鹿頸 -粉嶺港鐵站

(沙頭角公路上車)

巴士 78K

沙頭角 - 上水總站

(南涌站上車)

全程需時

1.5小時– 2小時（原路來回）

全長

約3.5公里

難度

初期

公共設施

鹿頸56K小巴總站有公廁，男女各有一座沖水式坐廁馬桶、電子感應控制水龍頭、乾手機；起點有士多，有空地做停車場。

注意事項

起點同沿路都有士多或補給站，但都要帶備足夠嘅水，假日遊山人士比較多，需要等候頗長嘅時間先可以上車。沿途有牛同牛糞，亦要注意56K嘅尾班車時間為7:30pm。

新界東北部行山推介2. 烏蛟騰

「烏蛟騰郊遊徑」位於船灣郊野公園內，屬於一條短線郊遊徑，路線途經桅尾嶺、減龍嶺，中間會經過烏蛟騰山火瞭望台，旁邊有一個烏蛟騰郊遊徑觀景台，亦係全程最開揚嘅地方，可以遠眺吊燈籠、馬頭峰、八仙嶺、黃嶺等。行嘅都係大石階梯，上山一段係緩坡上斜，梯級比較疏落；落山一段就比較斜，梯級亦都比較密。

交通

<起點／終點>

小巴 20R

大埔墟港鐵站 - 烏蛟騰

(烏蛟騰下車)

巴士 275R (假日)

大埔墟港鐵站 - 烏蛟騰

(烏蛟騰下車)

全程需時

4小時

全長

約15.5公里

難度

中級

公共設施

烏蛟騰路盡頭有免費停車場、有一個流動廁所。

注意事項

留意日落時間，盡量喺天黑前完成路線，以防萬一帶備電筒，電話要充滿電同帶後備充電器。12月至2月去可以欣賞到紅葉。

新界東北部行山推介3. 八仙嶺

沿汀角路往新娘潭方向行，到達漁護署嘅遊客中心，就可以見到右方八仙嶺自然教育徑嘅起點。一直向前行，便會到自然教育徑(標誌桿13)左轉，登上仙姑峰。峰頂既可以俯瞰成個船灣淡水湖，亦能夠一覽八仙嶺餘下七峰。繼續前行，前往犁壁山，可以望到碧綠大山谷；到達黃嶺前靠左行 (右邊支路往鹿頸)，屏風山就喺眼前。沿屏風山脊行走，便見落山嘅石級，落山前可以走上似觀景台嘅小土丘，為屏風山同沙羅洞影相。最後到山腳後右轉 (左往平山寨)，經過一段幽靜松蔭小道後再行往鶴藪水塘。隨馬路繞水塘邊行至鶴藪營地，再前行便到鶴藪圍小巴總站。

交通

起點

小巴 20C

大埔墟港鐵站 - 大美督

(大美督下車)

巴士 75K

大埔墟港鐵站 - 大美督

(大美督下車)

終點

小巴 52B

鶴藪 - 粉嶺港鐵站

(鶴藪上車)

全程需時

約5小時

全長

約12公里

難度

高級

公共設施

遊客中心、遊客中心廁所、起點有春風亭。山上冇廁所、冇補給站、冇休息設施如涼亭、椅子等。

注意事項

山路波幅大，而且少樹蔭同冇補給站，非常考驗體力同技術，而仙姑峰(近馬騮崖一帶)更被漁護署列為曾發生致命及嚴重意外嘅高危地點之一，唔適合新手前往。

<新界西北部>

新界西北部行山推介1. 良田坳峽谷

良田坳位於屯門良景邨同田景邨上方嘅山坳，良田坳峽谷被稱為「港版大峽谷」，好多人都以為佢就係「菠蘿山」，其實對面山頭先叫做「菠蘿山」。由良景邨嘅基良小學舊址後方沿車路開始上坡，經過涼亭同較平緩嘅良田坳，續行車路。經過碎石軍車路便可到達「港版大峽谷」，路面經過風化又狹窄因此要小心步伐，最後沿路行落去經過村屋後到小巴站。

交通

<起點>

巴士 58M。58X 號

各區 - 良景邨

(良景邨下車)

-

小巴 48S

旺角 - 良景邨

(良景邨下車)

-

<終點>

小巴 33 號

下白泥 - 元朗泰豐街

(下白泥總站上車)

全程需時

約2小時

全長

約5公里

難度

初級

公共設施

在開始或結束路程的「下白泥村」有一個公廁、便利店可作補給。

注意事項

此路線大部分路段屬於青山練靶場的軍事禁地，切勿於練習射擊的日子進入該範圍。射擊練習開始前和射擊時，射擊練習區將懸掛紅旗或紅燈，因此去之前要瀏覽政府新聞公報。上山後有些路是碎石及爛地，加上有一定坡度，因此要小心步行，亦勿因拍照而跌進谷內。

新界西北部行山推介2. 大欖涌水塘

除咗「港版大峽谷」，仲有擁有「迷你千島湖」之稱嘅大欖涌水塘，係新界西北部最大嘅水塘，內有十幾個天然嘅小島嶼零落散佈，睇上去就似千島湖般優美。由掃管笏新村出發，沿著大欖郊野公園往水塘方向直行，沿路有石梯同指示牌，便可到達觀景台。

交通

<起點／終點>

巴士 K53 號 屯門站 - 掃管笏（循環線）

(掃管笏村下車) -

巴士 252 號 屯門公路轉車站(屯門方向) - 掃管笏

(星堤下車) -

巴 43 號 屯門市中心河傍街 - 掃管笏

(掃管笏村下車)

全程需時

約3小時

全長

約7公里

難度

中級

公共設施

起點掃管笏村福昌士多有補給，附近亦有兩個公廁；如果選擇喺大棠出發，大棠燒烤場都有公廁。

注意事項

千島湖清景台嘅路段沙漠化嚴重，以防受傷，需要穿著抓地能力足夠嘅行山鞋。

新界西北部行山推介3. 雞公嶺

雞公嶺屹立於新界西北部，原名為「圭角山」或「掛角山」。雞公嶺主峰有三個山峰，登頂後可以將元朗、錦田、石崗以至邊境一帶景色全部一覽無遺。喺逢吉鄉路落車後，沿馬路直行。留意左方嘅小石級（約喺地圖牌前嘅電塔側），由此上走以木級鞏固嘅行山徑。及後沿著明顯嘅山脊行走。行過雞公嶺後，先後行過兩條山路分別可通往麒麟山同打石湖，續沿徑前行。再行一段，已經可以下瞰蕉徑村。呢處似有分岔口，選擇右方小徑，喺狹窄（草叢給繫上藍色尼龍絲帶）嘅草叢徑下降至蕉徑。最後行過農地，從村中嘅蕉徑路行回粉錦公路。

交通

<起點>

小巴 603 號

元朗鳳翔路 - 逢吉鄉

(華盛村下車)

-

<終點>

巴士 77K

粉嶺祥華村 - 元朗西總站

(粉錦公路近蕉徑上車)

-

小巴 57K 號

唐公嶺 - 上水站

(粉錦公路近蕉徑上車)

-

紅色小巴

元朗(裕景坊) - 上水(新運里)

(粉錦公路近蕉徑上車)

全程需時

約5.5小時

全長

約7.5公里

難度

高級

公共設施

冇任何補給，亦冇廁所， 亦冇任何涼亭之類休息設施。

注意事項

雞公嶺屬於香港高級行山遠足路線，途中冇遮蔭處並且需要行過連綿不斷嘅山丘，需要承受猛烈太陽，因此要帶備足夠食水同糧食，小心中暑，唔適合新手前往。

行山遠足時可以使用APP幫忙

自己一個或者新手行山驚迷路？你可以下載《香港遠足路線》，裡面提供過百條香港行山遠足路線同地圖，更可以查看GPS定位、行山時間、難度同圖片，能夠預先計劃香港行山遠足路線，而且可以記錄你嘅行走軌跡，使你喺迷路時更容易返回安全地方，或者查看到達某點嘅時間。程式支持離線地圖，即使冇網絡都可以使用，快啲尋找屬於你嘅香港行山遠足路線！

下載連結：https://hikingtrailhk.appspot.com/home.hk.html

行山遠足路線 & 冠狀病毒警示？

相信大家對第599G章《預防及控制疾病(禁止聚集)規例》都好熟悉，為嘅係預防、抵禦、阻延或以其他方式控制新冠病毒嘅個案或傳播，當中內容係指進入或身處指明公眾地方（如商場、港鐵）或第599F章所規管嘅表列處所時，須一直佩戴口罩。不過，市民如果身處香港郊野公園行山遠足路線，則可以選擇唔佩戴口罩。

詳細了解：https://www.coronavirus.gov.hk/chi/public-transport-faq.html