香港大學深圳醫院香港人收費詳解：磁力共振僅需三位數

香港公立醫療系統長期處於超負荷狀態，除咗人手不足之外，輪候時間亦相當漫長，而私家醫院嘅收費就過於高昂，唔係個個都負擔得起。近年嚟，愈來愈多香港人選擇返深圳求醫，主要原因係價錢相宜、流程快捷、服務態度良好，各方面都比香港醫療優勝唔少。加上政府亦計劃同內地醫療體系合作，達至互惠共融嘅效果。本文就同大家詳細介紹其中一間備受關注嘅醫療機構——香港大學深圳醫院香港人收費，當中香港大學深圳醫院磁力共振收費更加只需要三位數字，平到令人難以置信！

預約流程步驟

如果想前往睇病，建議先進行預約，整個流程都相當簡單直接：

1.關注香港大學深圳醫院微信號（ID：hkuszh）

2.關注後進入版面，撳「智慧醫院」

3.撳「添加就診人」

4.首次睇診需要撳「在線註冊」

5.輸入個人資料（輸入姓名時需要輸入簡體字，要同回鄉證件保持一致），綁定就診卡

6.撳「預約掛號」

7.選擇預約嘅科目（如果唔係睇專科，可以揀全科門診），再撳「掛號」，選擇預約時段

8.付款（微信支付），預約成功

除咗關注微信號之外，你亦可以透過電話預約（0755-8691333）、支付寶APP「醫療健康」同門診收費處現場掛號等方式進行掛號同預約安排。

預約成功後嘅睇病流程

1. 如果直接睇診，喺微信撳一下預約掛號成功後嘅通知連結，香港大學深圳醫院微信號嘅「智慧醫院」，撳「就醫全流程」。

2.按照顯示嘅預約時段，去門診前台或者微信公眾號報到候診

3.留意候診區嘅叫號屏，聽到自己嘅名就可以去就診室就診

4.醫生會先開單據，需要先付費，可以用微信掃碼繳費，亦可以前往各樓層嘅自助機繳費，可以使用人民幣現金、信用卡（銀聯，萬事達，VISA）、雲閃付、Wechatpay HK或者alipay HK

4.1根據指引單指示，如果需要抽血，去抽血室按機取籌，再等叫號碼抽血

4.2如果本來預約咗影像檢查，就可以根據預約時段，取出申請單，去到醫技檢查部門前台報到，再等叫號碼做檢查

5.付費後，按照門診唔同嘅規則，你會見到兩種唔同嘅報到狀態，「已報到」同「未報到」。

5.1如果顯示「未報到」，就會有指示你下一步，去到所屬門診後撳「定位報到」，報到成功後，就可以排隊等待叫號，可以撳「刷新」睇自己嘅排隊號碼排到幾多。

5.2如果顯示「已報到」，撳「排隊查詢」，直接等待叫號。

6.睇醫生後，撳「就醫全流程」，「門診繳費」查看繳費金額，撳立即支付。支付後就可以去取藥。

7.取藥時，可以喺手機查看取藥窗口同等待狀態，留意取藥窗口嘅叫號屏，聽到自己嘅名就可以排隊取藥。

8.如果有檢驗項目，就按照指示去相應地方完成檢驗。

9.檢驗後，根據指引單嘅報告時間取報告，可以喺香港大學深圳醫院微信號嘅「智慧醫院」，撳「查看報告」，亦可以喺自助機或者門診便民服務中心取紙質報告

相關嘅預約流程可以睇詳細影片：

http://www.hku-szh.org/xgdxszyy/jyzn/jyxz/mjzjyxz/content/post_1140174.html

港人去深圳最熱門係睇啲咩病？

任何慢性疾病，好似糖尿病、心臟病，甚至係癌症，呢啲需要長期作戰嘅疾病亦相當花費金錢，因此港人會偏向選擇收費性價比高嘅香港大學深圳醫院。

此外，港人如果想檢驗一啲影像檢查，亦好樂意前往香港大學深圳醫院。根據資料顯示，X光檢查、CT檢查、甚至係磁力共振，香港大學深圳醫院收費亦相當便宜，每普通部位平掃只需要400人民幣，需要磁力共振心臟功能亦只需要700人民幣。而呢啲服務喺香港嘅私家醫院，往往動輒需要過萬元，至於香港公立醫院，就需要按照危急狀況，可能要排期一年或者更長時間。

深圳就醫嘅注意事項

1.港人北上就醫應該帶備證件同文件，例如香港身份證、回鄉證、病歷等相關資料，讓醫院更快了解你嘅病情。

2.同香港唔同，內地採用「先付費，後診療」嘅方式，如果港人睇診後想進一步檢查或者治療，就需要先預備好一筆資金。

3.如果港人喺內地不幸遇上醫療事故，就需要向轄區衛生健康局咨詢申請理賠。

深圳就醫嘅整體評價

香港人對深圳就醫嘅評價都係相當正面，因為深圳就醫相比起香港公立醫院更加有效率，收費亦比私家醫院低好多，例如全身檢驗嘅健康套餐，喺深圳可能需要約3000人民幣，但喺香港嘅私家醫院就可能需要30000港元，相差價錢可能達到十倍之多。

質素方面，香港大學深圳醫院係「三甲」醫院，即係三級甲等綜合性醫院，係內地醫院按照《醫院分級管理辦法》實行「三級六等」嘅等級劃分中最高等級嘅醫院，可見質素亦相當有保證。